Այսօր պատրաստում ենք սմբուկով և կանաչ ոլոռով համեղ և արագ պատրաստվող աղցան՝ առաջարկելով մատուցման նոր գեղեցիկ տարբերակ։
Սմբուկով Աղցան․ Բաղադրիչները
- Սմբուկ — 2 հատ
- Սոխ -1 հատ
- Կանաչ ոլոռ կամ եգիպտացորեն
- Սև և սպիտակ քունջութ
- Սերմեր՝ դդմի, արևածաղկի
Սմբուկով Աղցան Կանաչ ոլոռով․ պատրաստման եղանակը
- Սմբուկը կտրտում ենք խոշոր խորանարդիկների չափով և առանց աղ անելու լցնում ձիթայուղով տաք տապակի մեջ,
- Անընդհատ խառնում ենք, և երբ արդեն բավականաչափ փափկի սմբուկը, ավելացնում ենք լավ մանր կտրտած սոխը,
- Երկուսն էլ լավ տապակվելուց հետո հանում ենք կրակից, վերջում նոր աղ և պղպեղ ենք անում,
- Աղը լցնում ենք վերջում, որպեսզի սմբուկը շատ ձիթայուղ չքաշի իր մեջ,
- Այժմ անցնում ենք զարդարմանն ու մատուցմանը․ ահա այսպիսի յուրօրինակ տարբերակ ենք առաջարկում․ խոհարարական խորանարդիկի օգնությամբ ստանում գեղեցիկ թումբ, որի վրա շաղ ենք տալիս սպիտակ և սև քունջութ, նաև սերմեր՝ դդմի, արևածաղկի, ինչ-որ ունեք ձեր ձեռքի տակ,
- Լրացնում ենք աղցանը կանաչ ոլոռով կամ եգիպտացորենով։
Բարի ախորժակ։
Նյութի աղբյուրը՝ ArmPost.net