Ամենակարևորն այն է, որ այսպիսի թխվածքաբլիթ պատրաստելու համար հատուկ ֆորմա պետք չէ, իսկ հենց թխվածքը ստացվում է շատ նուրբ, բերանում հալվող ու ախորժելի:
Անհրաժեշտ բաղադրիչներ.
- 100գ փափկած կարագ
- 90գ շաքարի փոշի
- 50մլ ձեթ
- 1 ձու
- 300գ ալյուր
- 25գ կակաո
- 0,5թ.գ. փխրեցուցիչ
- մի պտղունձ աղ
Նշված քանակության բաղադրիչներից ստացվում է մոտ 15 կոն:
Պատրաստման եղանակ.
- Փափկած կարագը խառնել շաքարի փոշու ու աղի հետ, որպեսզի համասեռ խառնուրդ ստացվի: Ավելացնել ձեթը՝ պարտադիր առանց հոտի, ձուն: Լավ խառնել բաղադրիչները:
- Զանգվածի մեջ մաղել կակաոն ու նորից խառնել:
- Աստիճանաբար ավելացնել մաղած ալյուրն ու փխրեցուցիչը, խմոր հունցել: Թխվածքաբլիթի խմորը ստացվում է նուրբ ու փոփուկ, բայց պահում է ձևն ու չի կպչում ձեռքերին:
- Խմորը դնել տոպրակի մեջ և ուղարկել սառնարանը՝ մոտ կես ժամով:
- Այնուհետև խմորից փոքր կտորներ պոկել, օվալի ձև տալ: Սուր դանակի օգնությամբ թեք գծեր անել՝ որպեսզի ստացվի այսպիսի նախշ:
- Կոները տեղափոխել յուղաթղթով ծածկված տապակի մեջ:
- Թխել նախապես տաքացրած ջեռոցում՝ 180 ջերմաստիճանի ներքո:
- Պատրաստի թխվածքաբլիթին շաքարի փոշի ցանել:
Ցանկության դեպքում կարող եք իրար փակցնել երկու թխվածքաբլիթներ՝ շոկոլադե մածուկի, մուրաբայի, ջեմի կամ եփած խտացրած կաթի օգնությամբ:
Բարի ախորժակ:
Նյութի աղբյուրը՝ Ինֆո Փաստեր
Չմոռանաք կիսվել բաղադրատոմսով մտերիմների հետ