Այսօր զոհված զինվորը զորամասում խնդիրնե՞ր է ունեցել.

Tert.am-ի տեղեկություններով Արցախում այսօր զոհված զինծառայողներից Տիգրան Մանվելի Մանվելյանը Երևանի Մալաթիա-Սեբաստիա վարչական շրջանից էր, նրա մեկնել էր ծառայության մեկ տարի վեց ամիս առաջ:

Tert.am-ի տեղեկություններով՝ Տիգրան Մանվելյանը պարբերաբար դժգոհություն է հայտնել ծառայությունից, զորամասում խնդիրներ է ունեցել, ինչի մասին հայտնել է նաև մտերիմներին:

Նախօրեին Տիգրան Մանվելյանը բարձրացել է դիրքեր:

Տիգրան Մանվելյանի երկու ավագ եղբայրները ևս ծառայել են Արցախում, նա կրտսեր եղբայրն էր:

Հիշեցնենք, որ այսօր Արցախում երկու զինծառայող է մահացել: Արցախի ՊԲ հարավ-արևելյան ուղղությամբ տեղակայված զորամասերից մեկի պահպանության տեղամասում, դեռևս չպարզված հանգամանքներում, մահացու հրազենային վիրավորում է ստացել ՊԲ զինծառայող, 2000թ. ծնված Տիգրան Մանվելի Մանվելյանը:

Ավելի ուշ ՊՆ խոսնակ Արծրուն Հովհաննիսյանը ֆեյսբուքյան իր էջում տեղեկացրեց, որ երկրորդ մահացած զինծառայողը Տիգրան Հուսիկի Մխոյան է:

(Visited 78 times, 1 visits today)
Понравилась статья? Поделиться с друзьями:
BEST FRIENDS