ԵԱՀԿ անդամ պետությունների դեսպանները շտապ ԱԺ են գնացել

«Փաստինֆո»-ի տեղեկություններով՝ ԱԺ են այցելել մեր երկրում ԵԱՀԿ անդամ պետությունների դեսպանները եւ հանդիպում են ԱԺ նախագահի հետ։

Ըստ որոշ տեղեկությունների՝ այս հրատապ հանդիպման պատճառը վաղը հրավիրված ԱԺ արտահերթ նիստում ընդգրկված օրինագծերն են:

Օրակարգում ընդգրկված են իմքայլական Վահագն Հովակիմյանի հեղինակած ԱԺ կանոնակարգ եւ Հանրաքվեի մասին օրենքներում փոփոխությունների նախագծերի փաթեթն է, որով նախատեսվում է շրջանցել սահմանադրական փոփոխությունների նախագիծը եզրակացություն ստանալու համար ՍԴ ուղարկելու պարտադիր պահանջը եւ այսօր «Իմ քայլը » խմբակցության 37 պատգամավորների կողմից շրջանառության մեջ դրված ՀՀ Սահմանադրությունում փոփոխություն կատարելու մասին նախագիծը , որով առաջարկվում է դադարեցնել ՍԴ 7 դատավորների լիազորությունները, որոնք պաշտոնավարում էին մինչեւ իշխանափոխությունը։

Ընդ որում՝ խորհրդարանական մեծամասնությունը մտադիր է Սահմանադրության մեջ փոփոխություն կատարել մեկ օրում՝ այն ընդունելով առաջին եւ երկրորդ ընթերցմամբ՝ առանց որեւէ հանրային եւ մասնագիտական քննարկման։

 

(Visited 185 times, 1 visits today)
Понравилась статья? Поделиться с друзьями:
BEST FRIENDS