Ինչ է կատարվում.Ավելի քան 300 ՀՀ քաղաքացիներ մեկուսացված են. Փաշինյան.

Ավելի քան 300 ՀՀ քաղաքացիներ մեկուսացված են, եւս 300-ի համար տարածքներ ենք պատրաստել: Այս մասին Facebook-ի իր ուղիղ եթերում նշեց ՀՀ վարչապետ Նիկոլ Փաշինյանը՝ կառավարությունում կայացած խորհրդակցությունից հետո:

«Որոշել ենք, որ մեկուսացման քաղաքականությունը պետք է շարունակել:

Մի բան ակնհայտ է, որ մենք կհաղթահարենք ոչ միայն կորոնավիրուսը, այլեւ ակնկալվող տնտեսական դժվարությունները:

Այսօրվանից պետք է տրամադրվենք, որ թե առողջապահական համակարգի, թե օրենսդրության, թե քաղաքացիական համերաշխության, թե ազգային միասնության, թե տնտեսական առումով պետք է խնդիր դնենք, որ ՀՀ-ն, բոլորս պետք է այս իրավիճակից դուրս գանք ուժեղացած, ավելի պինդ ամուր դիրքերից հանդես գանք»,-ընդգծեց նա:

Վարչապետը հավելեց, որ երբ այս իրավիճակը միասին հաղթահարենք, տնտեսական դժվարություններ ունեցած ընկերություններին աջակցելու խնդրին կանդրադառնան:
«Մենք այդ իրավիճակը կքննարկենք եւ կտեսնենք, թե ինչ միջոցներ ենք ձեռնարկելու:

ՈՒնեմ պատկերացումներ, թե տնտեսական դժվարություններն ինչպես պետք է հաղթահարենք, եւ կհաղթահարենք, կասկած չունենաք»,-ասաց Փաշինյանը:

Понравилась статья? Поделиться с друзьями:
BEST FRIENDS