«Էս շուկան անօրինական են փակել, Մոլի դիրեկտորը` Դավոն, ասել է ` դուք չեք աշխատելու». Բողոքի ակցիա Նոր Նորքի շուկայում

Նոր Նորքի շուկայի գյուղմթերքի շուկայի աշխատակիցները այսօր` մարտի 28-ին, բողոքի ակցիա են անցկացրել:

1in.am-ի հետ զրույցում նրանք բողոքել են, որ Մեգամոլի տնօրենն իրենց արգելում է աշխատել, այնինչ իրենց գործունեության տեսակը պարետի որոշմամբ սահմանափակված չէ:
«Էս շուկան անօրինական են փակել, Մոլի դիրեկտորը` Դավոն, ասել է ` դուք չեք աշխատելու, մենք էլ ասել ենք, աշխատելու ենք:

4-րդ օրն է` սաղիս ապրանքները փչանում է, որովհետեւ սաղ գյուղմթերք է` միրգ, բանջարեղեն, ձուկ, միս, սաղ նեխել ա, սաղ զիբիկն են թափել, փող չենք ուզում իրենցից»,-ասել է շուկայի աշխատակիցներից մեկը:Շուկայի մեկ այլ աշխատակից էլ հավելեց, որ պարետի որոշմամբ գյուղմթերքի շուկան պետք է աշխատի, եթե արգելվեր իրենք չէին աշխատի.

«Ամեն ինչը բացօթյա է, մենք էլ շուկայի աշխատակիցներով մաքրում ենք շուկան, դեզինֆեկցիա ենք անում, այնինչ մյուս շուկաներում հակասանիտարական վիճակ է: Մենք ունենք սառնարաններ, որոնք մեզ տրամադրել է պարոն Ալեքսանյանը, մենք իրա ցավն էլ տանենք, էդ մարդը մեր կողքին ա եղել, հիմա ինչն ա պատճառը , որ ոմն Դավիթը ասում է, պետք է շուկան փակել:

Եթե մենք չպիտի աշխատենք թող հեռուստատեսությամբ գան, մեզ ասեն, որ ժողովուրդ ջան դուք մի աշխատեք, 10 օր հետո կաշխատեք: Բայց եթե Գումի շուկան աշխատում է, Մալաթիայի շուկան աշխատում է, մենք էլ իրավունք ունենք աշխատելու»:

Նրանց խոսքով` տարածքը մոլի տնօրենը փորձում է յուրացնել եւ իր շահերին ծառայեցնել:

Աշխատակիցները պնդում են, որ Սննդի անվտագության տեսչություն էլ են զանգահարել եւ իրենց ասել են, որ կարող են աշխատել:

Նյութի աղբյուրը՝ News.am

(Visited 206 times, 1 visits today)
Понравилась статья? Поделиться с друзьями:
BEST FRIENDS