Գրի առեք այս բաղադրատոմսը և վայելեք անուշաբույր թխվածքները՝ ձեր սիրելիների հետ միասին:
Անհրաժեշտ բաղադրիչներ.
- բարձր տեսակի ալյուր՝ 1կգ
- ջուր՝ 0,5լ
- թարմ խմորիչ՝ 30գ
- կես բաժակ ձեթ՝ մոտ 50գ
- շաքարավազ՝ 1ճ.գ.
- աղ՝ 1թ.գ.
Պատրաստման եղանակ.
Սկզբում պետք է պատրաստել խմորիչային զանգված. դրա համար անհրաժեշտ է մանրացնել խմորիչը, խառնել շաքարավազի հետ՝ մինչ հեղուկ կոնսիստենցիայի առաջանալը: Տաքացնել ջուրը, բայց այն չպետք է լինի շատ տաք, և միացնել խմորիչի հետ: 100գ ալյուր ավելացնել և լավ խառնել: Գնդիկներ չպետք է մնան:
Ծածկել սրբիչով և պահել տաք տեղում՝ 15 րոպե:
Երբ զանգվածը բարձրանա, ավելացնել ձեթն ու աղը: Մաղելով ալյուր լցնել և խմոր հունցել:
Պատրաստի խմորը տեղափոխել ձեթով պատված տարայի մեջ, ծածկել սրբիչով և թողնել որևէ տաք տեղում՝ մոտ 1 ժամ: Այդ ընթացքում խմորի ծավալը մոտ 2-3 անգամ կավելանա:
Խմորը պատրաստ է օգտագործման:
Նյութի աղբյուրը՝ Ինֆո Փաստեր
