Պարաֆինն արժեքավոր նյութ է ջերմաբուժության համար, քանի որ դանդաղ է տալիս տաքությունը և ունակ է լավ տաքացնել մարմինը:
Պարաֆինոթերապիան կիրառվում է ոչ միայն հիվանդ հոդերի բուժման ժամանակ, այլև որպես հաճելի սպա-պրոցեդուրա:
Այս նյութը կարող է խոնավեցնել և երիտասարդացնել մաշկը, նաև օգնում է կնճիռների դեմ պայքարում:
Ուշադրություն դարձրեք, որ չնայած պարաֆինոթերապիայի օգտակարությանը, այն հակացուցված է գինեկոլոգիական խնդիրների, մաշկի հիվանդությունների, վերքերի, շաքարային դիաբետի ու բարձր ճնշման դեպքում:
Ահա թե ինչ է անհրաժեշտ.
- 200 գ կոսմետիկ պարաֆին
- մարմնի սկրաբ
- խոնավեցնող քսուք ձեռքերի համար
- միանգամյա օգտագործման ձեռնոցներ
- սրբիչ
Պարաֆին կարող եք ձեռքբերել դեղատներում կամ էլ գեղեցկության սրահների ապրանքների մասնագիտացված խանութներում:
Սկզբում հալեցնել պարաֆինը՝ ջրի գոլորշու վրա, անդադար խառնելով: Պրոցեդուրայից հետո սառած պարաֆինը կարող եք նորից օգտագործել:
Ձեռքերը լվանալ օճառով, սկրաբ քսել խոնավ մաշկին ու թեթև մերսում անել, ինչից հետո լվանալ սկրաբը գոլ ջրով:
Չորացնել ձեռքերը ու քսել խոնավեցնող քսուք: Զգույշ շարժումներով մի քանի շերտով քսել պարաֆինը ձեռքերի ափերի արտաքին կողմին: Դրա համար կարող եք սինթետիկ մազիկներով վրձին օգտագործել:
Երբ պարաֆինը սառի, հագնել ձեռնողներ ու փաթաթել սրբիչով: Սպասել 15–20 րոպե: Ինչից հետո շատ զգույշ հանել պարաֆինը, լվացվել գոլ ջրով, ցանկության դեպքում սնուցող դիմակ օգտագործել և խոնավեցնող քսուքով մերսում անել:
Չոր մաշկի բուժման համար անհրաժեշտ է 1 կուրս՝ բաղկացած 10 պրոցեդուրայից: Կատարել թերապիան ամեն օր կամ օրը մեջ:
Նյութի աղբյուրը՝ Ինֆո Փաստեր