Հիրավի արժանի է…Կարո Փայլանը ներկայացվել է Խաղաղության Նոբելյան մրցանակի
«Համշենուհի» համշենահայերի կանանց միջազգային միության անդամները դիմում են ներկայացրել Նոբելյան հանձնաժողով՝ առաջարկելով Խաղաղության նոբելյան մրցանակ շնորհել Թուրքիայի երկրի խորհրդարանի հայազգի պատգամավոր Կարո Փայլանին: Այս մասին հայտնում է RegionMonitor-ը: Կազմակերպությունը Փայլանին նկարագրել է որպես մի անձնավորություն, որն իր կյանքը նվիրել է ինչպես հայ, այնպես էլ Մեծ Մերձավոր Արևելքի այլ բնիկ ժողովուրդների ոտնահարված իրավունքների պաշտպանությանը։ «Նա խստորեն դատապարտում է Թուրքիայի ագրեսիվ քաղաքականությունը, ռազմական միջամտությունը հարևան ինքնիշխան պետություններում, մասնավորապես՝ Իրաքի և Սիրիայի լայնածավալ ռազմական գործողությունները։ Այսօր նա այն եզակի մարդկանցից է, ով ստանձնել է տարածաշրջանի մարդկային արժեքները, ինչպես նաև կրոնական և էթնիկ փոքրամասնություններին պաշտպանելու պատասխանատվությունը»,- ասվում է կազմակերպության նախագահ Սաիդա Օհանյանի հայտարարության մեջ: Նշենք, որ Կարո Փայլանը 2019 թ. նույնպես առաջադրվել էր Նոբելյան մրցանակի։ Աղբյուրը՝ asekose.am.
